“ အောင့်မလေး…” ဟု မင်းသားလေးသည် ကြောက်လန့်တကြား အော်လိုက်လေသည်။
မင်းသားလေးမြင်လိုက်ရသော မြင်ကွင်းကတော့ မင်းသားလေးအနေနဲ့ အရမ်းကြောက်စရာကောင်းတဲ့ မြင်ကွင်းတစ်ခု ဖြစ်နေပါတယ်။ အ၀တ်နက်ကြီးကို ၀တ်ဆင်ထားသော ထိုလူရဲ့မျက်နှာတွင် မျက်နှာမရှိဘဲ အတွင်းမှ အခိုးအငွေ့များ ပြည့်နှက်နေခြင်းကြောင့် ဖြစ်ပေသည်။ မင်းသားလေးလည်း ခါးတွင် ပါရှိသော ဓားဆီသို့ လက်က ရောက်သွားလေသည်။ ထို့နောက် ထိုလူကြီးအား လှမ်းကြည့်လိုက်ပြီးနောက်
" အသင်ဘယ်သူလဲ ဘာလို့ ဒီဥယျာဉ်ထဲ ရောက်နေတာလဲ '' ထိုလူကြီးလည်း တဟားဟား ရယ်မောလိုက်ပြီး မင်းသားလေးကြည့်နေသော ရေကန်ဆိပ်တွင်ရှိသော လူကြီးသည် ပျောက်ခြင်းမလှပျောက်သွားလေတော့သည်။ မင်းသားလေးလည်း ဓားကို ဆွဲထုတ်ကာ ပတ်ပတ်လည်တွင် လိုက်ရှာလိုက်လေသည်။
" အသင် ဘယ်သူလဲ ဘယ်ရောက်သွားတာလဲ " ထိုစဉ် စူးရှသောအလင်းတန်းတစ်စုံသည် မင်းသားလေးအရှေ့ကို ရောက်လာတော့သည်။ ထိုအလင်းတန်းကြောင့် မင်းသားလေးသည် နယ်မြေတစ်ခုစီသို့ ရောက်သွားသလို ခံစားလိုက်ရပြီး မျက်လုံးကို ဖွင့်လိုက်လေသည်။ ထိုအခါ မှောင်မည်းနေသော ပတ်ဝန်းကျင်သည် လင်းထိန်သွားလေသည်။ မင်းသားလေး၏ဘေးတွင် လူကြီးတစ်ယောက်ရပ်နေလေသည်။
" မင်းသားလေး အခုရောက်နေတဲ့နေရာကတော့ မင်းသားလေးမွေးဖွားစဉ် အချိန်ကာလကို ရောက်ရှိနေတာပါ။ ရွှေပန်းသီးပင်ကြီးရဲ့ပဟေဠိကို မင်းသားလေး မြင်ရပါစေလိမ့်မည်။ "
မင်းသားလေးစိတ်ထဲဝယ် ပရောဟိတ်ကြီးများ ရေးထားသော သူရဲ့ရာဇ၀င်ကျမ်းတွင် (မင်းသားလေးဖွားမြင်နေစဉ် အတောအတွင်း နန်းတော်ဥယျာဉ်တွင် ထူးဆန်းလှသော ရွှေရောင်ပန်းသီးသီးသော ရွှေပန်းသီးတစ်ပင် ပေါက်လာခဲ့လေသည်) ဟူသော စကားလုံးကို မျက်စိထဲ ပြန်မြင်ယောင်လာလေသည်။ သူရောက်နေသော နေရာသည် ရေကန်အနားတွင် ဖြစ်လေသည်။ ရေကန်ကနေ လှမ်းကြည့်နေအချိန်တွင် ကောင်းကင်မှ အရိပ်မဲ့ကြီးတစ်ခု ထိုးကျလာလေသည်။ ထိုအရိပ်မဲ့ကြီးမှာ အတောင်ပံများ နှင့် တစ်ကိုယ်လုံး အနီရောင်ဖြစ်ပြီးတော့ တစ်ကိုယ်လုံးလည်း မီးတောက်နေသည်။ ဖီးနစ် ခေါ် မီးငှက်ကြီးဖြစ်သည်။ မီးငှက်ကြီးသည် အသီးတစ်လုံးကို ကောက်ချီလာတာကို လှမ်းမြင်လိုက်ရသည်။ ထိုအသီးမှာ ရွှေရောင်ပန်းသီးပင်ကြီး ဖြစ်လေသည်။ မီးငှက်ကြီးသည် ထိုပန်းသီးအား မြေကြီးပေါ်သို့ ပစ်ချလိုက်လေသည်။ ထို့နောက် တောင်ပံခပ်ပြင်းပြင်းတစ်ချက် ရိုက်ခတ်လေသောကြောင့် ထိုပန်းသီးသည် မီးတောက်လာပြီး ထိုနေရာတွင် ရွှေရောင်အဆင်းဖြင့် ပန်းသီးပင်ကြီး ပေါ်ပေါက်လာလေတော့သည်။ ထို့နောက် မီးငှက်ကြီးသည်လည်း စူးရှသော အသံပြုရင်း ကောင်းကင်ပေါ် ပျံတက်သွားလေတော့သည်။
ထိုသို့ပျံတက်သွားသောအချိန်တွင် ကောင်းကင်မှ စူးရှသောအလင်းတန်းများ ထိုးကျလာသဖြင့် မျက်လုံးကို ပိတ်ထားလိုက်လေတော့သည်။ ဘာအသံမှလည်း မကြားရသဖြင့် မျက်လုံးကို ပြန်ဖွင့်လိုက်သောအခါတွင် မူလဥယျာဉ်တော်အတွင်းသို့ ပြန်လည်ရောက်ရှိလာလေတော့သည်။ ဘေးတွင် အ၀တ်နက်ဖြင့် လူတစ်ယောက်ရပ်နေလေသည်။
" မင်းသားလေး ဒီပန်းသီးပင်က မင်းသားလေးရဲ့ ဘုန်းကံကြောင့် ဖြစ်တည်လာခဲ့တဲ့ ပန်းသီးပင် ဖြစ်ပါတယ်။ မင်းသားလေးရဲ့ ဟိုဘ၀တုန်းက မွေးခဲ့တဲ့ မင်းသားလေးရဲ့သူငယ်ချင်း ဖီးနစ်ငှက် ဖြစ်ပါတယ်။ သူက မင်းသားလေးရဲ့ဒီဥယျာဉ်တော်မှာ ရွှေပန်းသီးပင်မျိုးစေ့ကို လာရောက်ကျဲပေးသွားခြင်း ဖြစ်တယ်။ မင်းသားလေးကိုယ်တိုင် နောက်ဆုံးကျန်ရစ်တဲ့ ရွှေပန်းသီးကို ခူးဆွတ်ရပါလိမ့်မည်။ မင်းသားလေး ရွှေပန်းသီးကို ခူးဆွတ်ပြီးတာနဲ့ မင်းသားလေးရဲ့ ဘ၀ခရီးစဉ် စပါတော့မယ် မင်းသားလေး "
အ၀တ်နက်နဲ့သူလည်း စကားကို မင်းသားလေးမေးဖို့ အချိန်ထိမရောက်အောင် ပြောပြီး ထိုလူကြီးလည်း ပျောက်ကွယ်သွားလေသည်။ မင်းသားလေးလည်း ရေကန်ကနေ ထပြီးတော့ ရွှေပန်းသီးပင်ကြီးအနားသို့ လျှောက်သွားလိုက်လေတော့သည်။ အပင်တွင် တစ်လုံးတည်းသာ ကျန်သော ရွှေပန်းသီးကို မြင်လိုက်ရလေသည်။ ထိုပန်းသီးမှာ မင်းသားလေးရဲ့အရပ်ထက် မြင့်နေသော်လည်း မင်းသားလေး ထိုအသီးကို ယူဖို့ အပင်ရောက်ကို ရောက်သောအခါ ရွှေပန်းသီးပင်ကြီးသည် အလိုလို ကိုင်းကျလာပြီး ရွှေရောင်ပန်းသီးလည်း မင်းသားလက်တစ်ကမ်းမှီသောနေရာကို ရောက်ရှိလာလေသည်။ မင်းသားလေးလည်း ထိုပန်းသီးအား ခူးဆွတ်လိုက်လေသည်။ ထိုအခါ ကောင်းကင်ကြီးသည် လျှပ်စီးများ ၀ုန်းကနဲ လက်လာပြီး မြေကြီးသည်လည်း ခပ်စစလေး ငလျင်လှုပ်လာတော့လေသည်။
မင်းသားလေးလက်ပေါ်တွင် အလွန်လှပသော ရွှေပန်းသီးလေးတစ်လုံး ရောက်ရှိနေပီ ဖြစ်သည်။ ပန်းသီးကတော့ ရွှေရောင်တဖိတ်ဖိတ်တောက်ပလျက်ရှိပြီးသော မင်းသားလေးရဲ့ ဖွေးဥလှပသော အကြောခြယ်သန်းနေသည့် လက်ပေါ်တွင် တင့်တယ်လှပေသည်။ မင်းသားလေးလည်း ရွှေပန်းသီးအား လေ့လာနေစဉ်တွင် ဥယျာဉ်အတွင်းသို့ မှုးမတ်များ ၀င်လာလေတော့သည်။
" အရှင် မင်းသားလေး အရှင်မင်းကြီးသည် မင်းသားလေးအား စိုးရိမ်နေပါသဖြင့် နန်းတော်ထဲကို ပြန်လာခဲ့ရန် အကြောင်းကြားလိုက်ပါသည်။ "
" ကျွန်ုပ်လိုက်လာခဲ့ပါမယ်။ အသင်သာ ဘခမည်းတော်ကို စိုးရိမ်တော်မမူပါနဲ့လို့ လျှောက်တင်လိုက်ပါ။ "
မင်းသားလေးသည် ရွှေပန်းသီးကို ကိုင်ပြီး နန်းတော်အတွင်းသို့ ၀င်ရောက်သွားလေသည်။
...................................................................................................................................................................
" နာမည်က နရဏီတဲ့လား ဟီးးးးး မင်း လူပြည် ပြန်ရောက်လာပီပေ့ါ ......... "
မင်းသားလေးရဲ့ဥယျာဉ်အတွင်းမှာ ထွက်ခွာသွားသော မြင်ကွင်းအား ဓာတ်ဖန်လုံးဖြင့် ကြည့်နေသော မင်းသားလေးတို့ တိုင်းပြည်ရဲ့တောင်ဘက်တွင်ရှိသော မြစ်မခတောင်ထိပ်ပေါ်ရှိ မနုဿစုန်းကဝေမကြီး အာရှာလင် ဖြစ်ပေသည်။ မင်းသားလေးရဲ့ လှုပ်ရှားဆောင်ရွက်မှုများကို အာရှာလင်စုန်းမကြီးက ဓာတ်ဖန်လုံးကနေတစ်ဆင့် အားလုံးကို မြင်နေရလေသည်။ အာရှာလင်စုန်းမကြီးသည် ဓာတ်ဖန်လုံးအား လက်ဝါးဖြင့် ပွတ်သတ်လိုက်ပြီး မန္တန်တစ်ပုဒ် ရွတ်ဆိုလိုက်လေသည်။
" အာစလာ ဘရာဒင် ဒါရိုစထျာ ခလင်ဆိုနီရာ
မာချရာ သက္ကရီနာ မွန်းကရို့
ဗီဗိုက်ကယ်ဆိုရာ ဘာလို့
အာချက်ကာ ရာဇီးနား "
ဓာတ်ဖန်လုံးတွင် မြင်ကွင်းတစ်ခုပေါ်လာလေသည်။ ထိုမြင်ကွင်းသည် တိုင်းပြည်ကြီးတစ်ပြည်ဖြစ်ပြီးတော့ ထိုတိုင်းပြည်ကြီးမှာ နရဏီမင်းသားလေးတို့ရဲ့ တိုင်းပြည်ကြီး နှင့် ဝေးလံလှသော နေရာတွင် ရှိသည့် လာနီရှားတိုင်းပြည်ကြီး ဖြစ်လေသည်။
...................................................................................................................................................................
လာနီရှားတိုင်းပြည်ကြီးတွင် နရဏီမင်းသားလေးအရွယ်ခန့်ရှိသော မင်းသားလေးတစ်ပါးရှိလေသည်။ ထိုမင်းသားလေးရဲ့ နာမည်ကတော့ ဂီရ ဖြစ်လေသည်။ သူသည်လည်း မွေးဖွားသန့်စင်ခဲ့ပုံကလည်း အရမ်းထူးဆန်းလှပေသည်။ ဂီရမင်းသားလေး မမွေးဖွားခင်က လာနီရှားတိုင်းပြည်ရဲ့ ဘုရင်ကြီးနာပီ နှင့် မိဖုရားကြီးမီရာဂါတို့တွင် သမီးတော်လေးတစ်ပါးသာ ရှိလေသည်။ ထို့ကြောင့် သားတော်လေးတစ်ပါး ရရှိဖို့အတွက် ဘုရင်ကြီးသည် လာနီရှားတိုင်းပြည်ကြီးရဲ့ အကြီးဆုံး ဘုရားကျောင်းဖြစ်သော ပိုဆိုက်ဒွန်နတ်ဘုရားကျောင်းတွင် သားတော်လေး တစ်ပါးရရှိဖို့ အမြဲဆုတောင်းဝေရှာသည်။ တစ်နေ့တွင် ဘုရင်ကြီး နဲ့ မိဖုရားကြီး ဘုရားမှ ဆုတောင်းပြီး နန်းတော်သုိ့ ပြန်လာချိန်တွင် ထူးဆန်းသောနှဲမှုတ်သော နှဲသံက ဘုရင်ကြီး နဲ့ မိဖုရားကြီးကို ဝေါယာဉ်ဖြင့် သယ်ဆောင်သွားသော လမ်းတစ်ခုတွင် ကြားလိုက်ရလေသည်။
ထိုအသံကို ကြားလျှင် ဘုရင်ကြီးသည် ထိုတီးမှုတ်သောသူအား တွေ့ချင်စိတ်ပြင်းပြလာလေတော့သည်။ ထို့ကြောင့် ဘုရင်ကြီးက အိမ်တော်ထိန်းဖြစ်သော မာလဂီနာအား ထိုတီးမှုတ်နေသော တီးမှုတ်သူကို တွေ့ချင်ကြောင်း ဘုရင်ကြီး အခစားဝင်ဖို့ အမိန့်တော်ချလိုက်ကြောင်း ပြောဖို့ စေလွှတ်လိုက်လေသည်။ အထိန်းတော်ကြီးသည် နှဲမှုတ်သမား ရှာပုံတော်ဖွင့်ဖို့ ကျန်ခဲ့လေသည်။ ဘုရင်ကြီးသည် နန်းတော်တွင်းသုိ့ ရောက်သောအခါ နားနေဆောင်တွင် နားနေချိန်တွင် အထိန်းတော်ကြီးနှင့်အတူ အသက်ကြီးမြင့်လှပီဖြစ်သော အဘိုးကြီးတစ်ယောက်ရောက်ရှိလာလေသည်။
" အရှင်မင်းကြီးခင်ဗျာ အရှင်မင်းကြီး ရှာဖွေခိုင်းလိုက်တဲ့ နှဲသမားကြီး ဖိုလာရှီပါ။ သူကတော့ နှဲသမားကြီး မဟုတ်ပါဘူး။ ကျွန်တော်တို့တိုင်းပြည်မှာ ယောဂကျင့်စဉ်ကျင့်ကြံအားထုတ်နေတဲ့ ယောဂီကြီးတစ်ပါးလည်း ဖြစ်ပါတယ်။ "
ယောဂီကြီး ဖိုလာရှီမှာ ဘုရင်ကြီးအား အရိုအသေပြုလိုက်သော်လည်း ဘုရင်ကြီးမှာ သလွန်တော်ကနေ ချက်ချင်းဆင်းသက်လာပြီး သလွန်တော်ဘေးတွင်ရှိသော ရွှေသားခုံပေါ်တွင် ထိုင်ရန်အတွက် ယောဂီကြီး ဖိုလာရှီကို သွားထူလိုက်လေသည်။
" ယောဂီကြီးခင်ဗျာ ဒီရွှေသားခုံပေါ်တွင် ထိုင်တော်မူပါ။ " ယောဂီကြီး ဖိုလာရှီလည်း မည်သည့်စကားမှ မပြောဘဲ ရွှေသားခုံပေါ်တွင် ထိုင်ချလိုက်လေသည်။ မင်းကြီးလည်း သလွန်ပေါ်တွင် ပြန်ထိုင်လိုက်လေသည်။ ထိုအချိန်တွင် စကားတစ်လုံးမှ မဟသော ယောဂီကြီးသည် စကားပြောလာလေတော့သည်။
" အရှင်မင်းကြီးရဲ့ ဆုတောင်းတဲ့အသံက တိုင်းပြည်ကြီးနဲ့အတူ ဟိုမြင့်မြတ်တဲ့ ဘုံတွေအထိပါ ရောက်ရှိတော်မူတယ် မင်းကြီး အဲ့ဒီအတွက် ဘုရင်ကြီးဆီကို မြင့်မြတ်တဲ့ ဘုန်းကံကြီးတဲ့ သားတော်လေးတစ်ပါး ဖွားမြင်မှာပါ "
ဘုရင်ကြီးလည်း အရမ်းဝမ်းသာတော်မူသွားပြီး
" ယောဂီကြီးစကား ကြားရတာ ကျွန်ုပ်ရင်ထဲ အေးချမ်းသွားပါပီ။ ယောဂီကြီး ကျွန်ုပ်ကို ဘာများ ညွှန်ကြားတော်မူပါချင်သေးလဲ။ ပီးတော့ ယောဂီကြီးဘယ်မှာနေထိုင်ပါသလဲ။ ဘာအကျင့်တွေများ ကျင့်ကြံအားထုတ်နေပါသလဲ "
" ကျွန်တော်မျိုးကတော့ မြေကြီးရှိရာ ကောင်းကင်ရှိရာ အားလုံး ကျွန်တော့်ရဲ့နေရာတွေပါပဲ အရှင်မင်းကြီး အဲ့ဒီအတွက် နေစရာ မပူပြင်ရပါဘူး။ အကျင့်အကြံတွေကတော့ ဆာဟာသနအကျင့် ၊ မတာသနအကျင့် ၊ ဥဒ္ဓပဒါသနအကျင့် ၊ သုခါသနအကျင့် ၊ သိဒ္ဓါသနအကျင့် ၊ ပဒုမာသနအကျင့် ၊ ဝိပရိတ ကရာနီ မုဒရအကျင့် ၊ ယောဂမုဒရအကျင့် ၊ သီဟာသနအကျင့် စတဲ့ ယောဂကျင့်စဉ်များကို ကျင့်ကြံနေပါတယ်။ "
" ယောဂီကြီး နန်းတော်အတွင်းမှာ ရှိနေစေချင်ပါတယ်။ ယောဂီကြီးရဲ့နှဲမှုတ်သံကို ကြားလိုက်ရတဲ့အချိန်ကတည်းက ကျွန်ုပ်မိတ်ဆွေဟောင်းတစ်ယောက်ကို ပြန်တွေ့ရသလို ခံစားရလို့ပါပဲ။ ယောဂီကြီး နန်းတော်တွင်းသို့ ရောက်ရောက်ချင်းပဲ သတင်းကောင်းကိုလည်း ယူဆောင်လာပေးတာကို သိလိုက်ရတဲ့ ကျွန်ုပ်ရင်ထဲ ၀မ်းသာပီတိဖြစ်ရပါတယ်။ "
'' ကျွန်တော်မျိုး နန်းတွင်းမှာ နေပါမယ်။ ဒါပေမယ့် အချိန်တန်ရင်တော့ ကျွန်တော်မျိုး ထွက်ခွာသွားရပါမည်။ "
ထိုအချိန်ကနေစပြီးတော့ ယောဂီကြီး ဖိုလာရှီသည် နန်းတွင်းအတွင်းတွင်ရှိသော သစ်ခတ်အိမ်လေးတစ်ခုတွင် သီတင်းသုံးတော်မူလေသည်။ ယောဂီကြီး ရောက်ရှိလာပြီး (၇)ရက်အကြာတွင် မိဖုရားကြီးတွင် သန္ဓေရှိသော အမူအရာပြလေသည်။ မင်းကြီးသည်လည်း အရမ်းပြုံးပျော်နေပီး တိုင်းပြည်အတွင်းလည်း ပျော်ပွဲရွှင်ပွဲများကို ပြုလုပ်လေသည်။ ယောဂီကြီးကိုလည်း အတိုင်ပင်ခံတစ်ယောက်အဖြစ် တိုင်းပြည်ရဲ့မြင့်မြတ်တဲ့ဘွဲ့ထူးကို ပေးအပ်ထားလေသည်။ ဆယ်လလောက်အကြာတွင် မင်းသားလေး ဂီရကို မွေးဖွားသန့်စင်ခဲ့လေသည်။ မင်းသားလေး ဂီရ မွေးဖွားသောနေ့တွင် ကောင်းကင်တွင်ရှိသော ကြယ်များသည် တစ်တန်းတည်း ဖြစ်သွားပြီး စူးရှသောအဖြူရောင်အလင်းတန်းများသည် လာနီရှားတိုင်းပြည်ကြီးရဲ့မြို့တော်ဖြစ်သော ကန့်တစ်မြို့တော်ကြီးတစ်ခုလုံး လင်းထိန်သွားလေသည်။ ထိုအခြင်းအရာကို ယောဂီက နိမိတ်ဖတ်ကြားလိုက်သည်ကတော့
" မင်းသားလေးသည် ဘုန်းကံကြီးသောသူတစ်ယောက်ဖြစ်ပေသည်။ မင်းသားလေးသည် အေးချမ်းခြင်းဟူသော လဓာတ်ကို ကိုယ်စားပြုပြီး မွေးဖွားလာသောသူဖြစ်ပေသည်။ သူသည် နေဓာတ်ကို ကိုယ်စားပြုမွေးဖွားလာခဲ့သော ကလေးနဲ့အတူတူ လက်တွဲပြီး ကမ္ဘာကြီးဖျက်ဆီးမဲ့ အမှောင်စွမ်းအင်များကို ခုတ်ထွင်ရှင်းလင်းလိမ့်မယ် "
မည်သို့ပင်ဖြစ်ပါစေ ဘုရင်ကြီးကတော့ သားတော်လေးတစ်ပါးရရှိသဖြင့် အရမ်းပျော်ရွှင်တော်မူလေသည်။ အမဖြစ်သူ အာရီယာနားသည်လည်း မောင်လေးဖြစ်သူ ဂီရအား များစွာ ချစ်မြတ်နိုးလေသည်။ ဂီရမင်းသားလေးသည်လည်း ရုပ်သွင်မှာ ချောမောလှပြီးတော့ ဂီရမင်းသားလေးကို မြင်လိုက်သူတိုင်းမှာ အလိုလို ပျော်ရွှင်လာကြသည်။ ဒီလိုနဲ့ မင်းသားလေးအသက်(၁၀)နှစ်ကျော်သို့ ရောက်ရှိလာလေသည်။ အမဖြစ်သူ အာရီယာနားဖြင့် အနေကြာသောကြောင့် အမဖြစ်သူရဲ့ နူးညံ့သိမ်မွေ့သောစိတ်ဓာတ်များ သနားကြင်နာသောနှလုံးသားလည်း ပိုင်ဆိုင်ထားလေသည်။ ယောဂီကြီးကလည်း ယောဂအတတ်များအပြင် အခြားတတ်အပ်သောပညာများကိုလည်း သင်ကြားပေးလေသည်။
ဒီလိုနဲ့ အသက် (၁၀)နှစ်ကိုရောက်လာသော ဂီရမင်းသားလေးသည် ယောဂကျင့်စဉ်ရဲ့ မြင့်မြတ်တဲ့ကျင့်စဉ်ဖြစ်သော သီတာသနအကျင့်ကို ကျင့်နေသောအချိန်တွင် မင်းသားလေးရဲ့အာရုံထဲကို မြင်ကွင်းတစ်ခု ၀င်ရောက်လာလေသည်။
မိုးကြယ်စင်
(အပိုင်းလေးစောင့်မျှော်ကြပါအုန်းလို့)
ဒီစာကို KCB Center မှာတင်ဆက်ခဲ့ပါတယ်
အသစ်တင်တိုင်းမေးလ်ပို့ပေးချင်တယ်ဆိုရင် ဒီမှာဖြည့်ခဲ့ပါ
သင့်ရဲ့အီးမေးလ်လိပ်စာဒီမှာရေးခဲ့ပါ
1 မှတ်ချက်များ:
ဆရာ ဆရာ့ site ထဲက search engine ကသုံးလို့မရပါလားဗျာ အဲ့ဒါလေးအဆင်ပြေအောင်လုပ်ပေးစေချင်ပါတယ် ဥပမာ-အလင်းမဲ့ကျိန်စာ-၃ ပေါ့ ကျော်က အလင်းမဲ့ကျိန်စာ-(၁)နဲ့(၂)ကို ရှာချင်တယ်ဆိုရင် ဘယ်နားရှာရမှန်းမသိဖြစ်နေပါတယ်ဆရာ အရင်တင်ထားတဲ့postတွေဖြစ်တဲ့ မှော်ဝင်သီချင်းလင့်ခ်တွေလည်း ကြက်ပျောက်ငှက်ပျောက်နေတယ်ဆရာ
ReplyHelp!me,please.Sir
Post a Comment